Qostanaı oblysynyń ekonomıkalyq soty oblys ortalyǵynyń ákiminiń Qostanaı – Rýdnyı baǵytynda qyzmet kórsetetin kásipkerge qatysty talap aryzyn qarady, dep habarlaıdy infohub.kz saıty.
Qostanaı oblystyq sotynyń baspasóz qyzmetiniń málimetinshe, Qostanaı oblysynyń mamandandyrylǵan aýdanaralyq ekonomıkalyq soty Qostanaı qalasynyń ákiminiń jeke kásipker B.-ǵa qatysty jolaýshylar men júkti turaqty avtomobıl tasymalyn uıymdastyrý shartyn buzý týraly talap aryzy boıynsha azamattyq isti qarady.
Sot otyrysy barysynda taraptar daýdy medıasıa tártibimen rettedi. Kelisim sharttary boıynsha jeke kásipker B. №120 Qostanaı – Rýdnyı qatynasyndaǵy turaqty qala mańy baǵytyna 2026 jyldyń 31 jeltoqsanyna deıin qyzmet kórsetýdi jalǵastyrady, delingen sot habarlamasynda.
2027 jyldyń 1 qańtarynan bastap shart taraptardyń ózara kelisimi boıynsha toqtatylady. Jaýapker sharttyń toqtatylýyn sot tártibimen daýlamaýǵa, sondaı-aq shart merzimi aıaqtalǵannan keıin talapkerge múliktik jáne qarjylyq talaptar qoımaýǵa mindettendi. Talapker shartty buzý týraly talabynan bas tartty, dep naqtylady sotta.
Sot kelisimdi bekitti, is boıynsha is júrgizý toqtatyldy. №120 Qostanaı – Rýdnyı baǵyty 2026 jyldyń sońyna deıin jumysyn jalǵastyrady. Sot uıǵarymy zańdy kúshine engen joq.