Qostanaı turǵyny burynǵy jubaıyn qatigezdikpen óltirgeni úshin uzaq merzimge bas bostandyǵynan aıyryldy. Qaıǵyly oqıǵa qyzǵanysh alańynda bolǵan, dep habarlaıdy infohub.kz.
Qostanaı oblystyq sotynyń baspasóz qyzmetinen málim etkendeı, búgin Qostanaı qalasynyń turǵyny S.-ǵa qatysty qylmystyq is qaraldy.
İs materıaldaryna sáıkes, 2026 jyldyń naýryz aıynda er adam burynǵy áıelimen qyzǵanysh alańynda araqatynasyn anyqtaý kezinde, ony óltirý maqsatymen, ańshylyq karabınnen áıeldiń basy men keýdesine eki ret dáldep oq atqan. Jaraqattardan jábirlenýshi oqıǵa ornynda qaıtys bolǵan.
Osydan keıin aıyptalýshy qylmys ornynan ketken, alaıda keıin óz erkimen polısıa organdaryna kelip, kinásin moıyndaý týraly aryz jazǵan.
Sot otyrysy barysynda qylmystyq jaýapkershilik pen jazany aýyrlatatyn mán-jaılar anyqtalǵan joq. Sot aıyptalýshyny kináli dep tanyp, oǵan ortasha qaýipsizdik mekemelerinde óteletin 12 jylǵa bas bostandyǵynan aıyrý jazasyn taǵaıyndady.