Qostanaıdaǵy saıajaı qoǵamdarynyń birinde iri órt shyǵyp, jarylys qaýpi tóndi. Qutqarýshylar janyp jatqan úıden bes gaz balonyn alyp shyqty, dep habarlaıdy infohub.kz.
Tótenshe jaǵdaılar mınıstrliginiń málimetinshe, órt týraly habarlama 112 púltine túsken. Ot mansardty turǵyn úı men saıajaı úıin sharpyǵan. Órttiń jalpy aýdany 150 sharshy metrdi qurady.
«Oqıǵa ornyna kelgen TJM qyzmetkerleri eń aldymen qaýipsizdikti qamtamasyz etip, qaýipti aımaqtan kólemi 27 lıtrlik tórt gaz balony men bir 50 lıtrlik balondy alyp shyqty», — delingen TJM habarlamasynda.
Órt tolyǵymen sóndirildi. Oqıǵa saldarynan eshkim zardap shekken joq. Órttiń shyǵý sebebin mamandar anyqtap jatyr.
Buǵan deıin «Kýrsıv» basylymy Astananyń Baıqońyr aýdanyndaǵy bazarlardyń birinde tandyr samsasyn daıyndaıtyn bólmede jarylys bolǵanyn jazdy. Saldarynan tórt adam, sonyń ishinde bir bala jaraqat alǵan.