Qostanaıda 14 shildede joǵalyp ketken 18 jastaǵy jigitti izdeý aıaqtaldy. Jas jigittiń denesi zorlyq-zombylyq izinsiz tabyldy, dep habarlaıdy infohub.kz.
15 shildede «Regıon 10» izdeý toby Instagram áleýmettik jelisinde Qostanaıda 18 jastaǵy jigittiń joǵalǵanyn habarlady. Týystarynyń aıtýynsha, ol úıden saǵat 18:00-de shyǵyp, baılanysqa shyqpaı qoıǵan.
Qostanaı oblysy polısıa departamentiniń málimetinshe, 2008 jyly týǵan jas jigittiń belgisiz joǵalýy boıynsha izdestirý isi qozǵalǵan.
«Jedel-izdestirý sharalary barysynda joǵalǵan adamnyń denesi zorlyq-zombylyqtyń syrtqy belgilerinsiz Ortalyq kópir aýdanyndaǵy Tobyl ózeninen tabyldy. Qazirgi ýaqytta bolǵan oqıǵanyń barlyq mán-jaıyn anyqtaý úshin qajetti tergeý sharalary kesheni júrgizilýde», — delingen polısıa habarlamasynda.
Tergeý nátıjeleri boıynsha túpkilikti quqyqtyq baǵa beriletini atap ótildi.