Qostanaıda 70 jastaǵy zeınetker medısına qyzmetkerin qorqytyp, balaǵattaǵany úshin jaýapqa tartyldy, dep habarlaıdy infohub.kz.
Oqıǵa medısına qyzmetkeriniń jumys ornynda bolǵan. Áıel áleýmettik jelilerde beınejazba jarıalaǵan, onda belgisiz er adam oǵan qaraı balaǵat sózder aıtyp, qorqytqan: «Bir kúni ókinesiń! Basyńdy julyp alamyn! Óltiremin!».
Qostanaı oblysy polısıa departamentiniń qyzmetkerleri buzýshynyń jeke basyn jedel anyqtady. Ol 70 jastaǵy jergilikti turǵyn bolyp shyqty. Polısıada er adamdy aınalasyndaǵylarǵa qurmetsizdik kórsetý, balaǵat sózder qoldaný, qorlaıtyn áreketter jasaý, ar-namysyn qorlaý jáne qoǵamdyq tártipti buzatyn basqa da áreketteri úshin jaýapqa tartylǵanyn túsindirdi.
Quqyq qorǵaý organdary medısına qyzmetkerlerine, sondaı-aq kez kelgen azamattarǵa qatysty agresıa, qorlaý jáne qorqytýdyń jol berilmeıtinin jáne Qazaqstan Respýblıkasynyń zańnamasy boıynsha jaýapkershilikke ákeletinin atap ótti.