Kostanaı oblysynda Kia Sorento jeńil kóligi men DAF júk kóligi qatysqan jol apatynan eki adam oqıǵa ornynda kóz jumdy, taǵy bir adam aýrýhanaǵa jatqyzyldy, dep habarlaıdy infohub.kz.
Kostanaı–Qarabutaq trassasy Beıimbet Maılın aýdanynyń Tobyl aýyly mańynda bolǵan apatqa qatysty polısıa sotqa deıingi tergeýdi bastady. Aldyn ala anyqtalǵandaı, Kia kóliginiń júrgizýshisi basqarýdy joǵaltyp, qarsy jolaqqa shyǵyp, DAF júk kóligimen soqtyǵysqan. Jeńil kóliktegi júrgizýshi men bir jolaýshy oqıǵa ornynda kóz jumdy, ekinshi jolaýshy aýrýhanaǵa jatqyzyldy.
Qazirgi ýaqytta oqıǵanyń mán-jaıy men sebepterin anyqtaý úshin qajetti tergeý amaldary júrgizilýde. Tergeý qorytyndysy boıynsha prosesýaldyq sheshim qabyldanady.
Kostanaı oblysy polısıa departamenti júrgizýshilerdi Jol júrisi qaǵıdalaryn qatań saqtaýǵa, jol jáne aýa raıy jaǵdaılaryn eskere otyryp qaýipsiz jyldamdyqty tańdaýǵa, araqashyqtyqty saqtaýǵa jáne qarsy jolaqqa shyqpaýǵa shaqyrady.