AQSH-tyń Vıskonsın shtatynda meın-kýn tuqymdy Erebýs Anomalı esimdi mysyq 29 saýsaqpen týylyp, Gınness rekordtar kitabyna resmı túrde endi, dep habarlaıdy infohub.kz.
Kokona qalasyndaǵy úı janýary saýsaq sany boıynsha burynǵy álemdik rekordty jańartty. Buǵan deıin bul rekord Kanadadaǵy Djeık esimdi mysyqqa tıesili edi (28 saýsaq, 2002 jyl). Qarapaıym mysyqtarda 18 saýsaq bolady: aldyńǵy aıaqtarynda besten, artqy aıaqtarynda tórtten.
Janýardyń ıeleri Kendra Vandenblýmer men Hanter Nett mysyqtyń naýryz aıynda dúnıege kelgenin aıtty. Mundaı ereksheliktiń sebebi — polıdaktılıa, ıaǵnı meın-kýndarda jıi kezdesetin genetıkalyq mýtasıa. Úı janýarynyń bir aıaǵynda segiz saýsaq, al qalǵandarynda jetiden saýsaq ósken.
Erebýstyń biregeıligin rastaý úshin ıeleri rentgen súretterin usynýǵa májbúr boldy. Rentgen mysyqqa pnevmonıadan keıin jasalǵan, ony ol sátti emdep shyqqan.