Qazaqstanda kreatıvti qyzmet túrleriniń tizimi keńeıtildi. Bul on jańa saladaǵy kásipkerlerge salyq júktemesin azaıtyp, memlekettik qoldaý alýǵa múmkindik beredi, dep habarlaıdy infohub.kz saıty.
Qazaqstan Respýblıkasynyń Mádenıet jáne aqparat mınıstrliginiń basshysy Aıda Balaeva engizgen túzetýler kreatıvti ındýstrıaǵa qatysty OKED kodtarynyń sanyn 43-ten 53-ke deıin arttyrdy. Tizimge kelesiler endi: «Veb-portaldar qyzmeti», «Radıohabar taratý», «Mádenıet salasyndaǵy bilim berý», «Jarnama agenttikteriniń qyzmeti», «Kitap basyp shyǵarý», «Ózge baspa qyzmeti», «Kıno-, beınefılmder men telebaǵdarlamalardy taratý qyzmeti», «Kınofılmder kórsetý qyzmeti», «Ózge baspa óndirisi», «Tyǵyn, saban jáne órýge arnalǵan materıaldardan buıymdar jasaý».
Osy salalarda jumys isteıtin kásipkerler 10-20% standartty mólsherlemeniń ornyna 2-4% mólsherlememen bólshek salyqtyń arnaıy rejımine kóshý quqyǵyn alady. Olar QQS tóleýden bosatylady. Sondaı-aq «Damý» qory arqyly jeńildikti nesıelerge, memlekettik granttarǵa jáne óńirlik kreatıvti habtardaǵy tegin jumys keńistikterine úmitker bola alady.
Buǵan deıin Qazaqstan Prezıdenti Qasym-Jomart Toqaev kreatıvti ındýstrıalardy qoldaý týraly zańǵa túzetýlerge qol qoıdy.