Reseı Federasıasy Prezıdenti Vladımır Pýtınniń baspasóz hatshysy Dmıtrı Peskov Máskeýdiń ıadrolyq qarý qoldanýy múmkin degen Eýropa memleketteriniń alańdaýshylyǵyna qatysty pikir bildirdi, dep habarlaıdy infohub.kz saıty.
RIA Novostı agenttiginiń málimetinshe, Eýropa elderi Reseıdi ıadrolyq soqqy jasaý josparyn ázirlep jatyr dep kúdiktenedi. Kreml ókili Máskeýde mundaı jospar joq ekenin rastady.
«Bul taqyrypty aınaldyra alyp, dúrbeleńdi Eýropalyqtar ózderi týdyryp otyr. Biz olardy emosıaǵa berilmeı, jaǵdaıǵa obektıvti baǵa berýge shaqyramyz», — dedi Reseı basshysynyń baspasóz hatshysy.
TASS agenttiginiń habarlaýynsha, ıadrolyq qarýdy qoldaný sharttary Reseıdiń doktrınalyq qujattarynda naqty jazylǵan, olarda eń aldymen aýmaqtyq tutastyqty qorǵaý týraly aıtylady. Bul týraly Peskov «Valdaı» halyqaralyq pikirtalas klýbynyń XXIII jyldyq kezdesýi aıasynda jýrnalıserge aıtty.
Buǵan deıin Reseıdiń Irlandıadaǵy elshiligi Kalınıngradty oqshaýlaý áreketi bolǵan jaǵdaıda NATO elderine qarsy ıadrolyq qarý qoldanýǵa daıyn ekenin málimdegen. NATO Bas hatshysy Mark Rútte alánstyń Reseı Federasıasynan eskertý alǵanyn rastady.
Oǵan deıin Reseı Syrtqy ister mınıstri Sergeı Lavrov Máskeý Eýropaǵa shabýyl jasaýǵa nıetti emes ekenin aıtqan. Sonymen qatar ol Reseıge shabýyl jasalǵan jaǵdaıda eýropalyq elderge «qysqa soǵyspen» qorqytqan.
Sondaı-aq NATO-nyń Reseımen soǵys jaǵdaıyna arnalǵan jospar daıyndaǵany belgili boldy.