Qazaqstan Energetıka mınıstrligi 19 shildede Kaspı qubyr konsorsıýmynyń (KQK) teńiz termınalynda munaı tıeý kezinde «ASIA» jáne «NISSOS IOS» tankerlerine jasalǵan ushqyshsyz ushý apparattarynyń shabýylyna qatysty pikir bildirdi, dep habarlaıdy infohub.kz saıty.
«Bul kemeler Qazaqstanda óndirilgen munaıdy tıep jatqan edi. Tankerler bortynda halyqaralyq ekıpajdar boldy», — dep rastady vedomstvo.
Shabýyl saldarynan kemelerde órt shyǵyp, ekıpaj kúshimen jedel sóndirildi. Zardap shekkender joq. VPÝ-1 jáne VPÝ-3 syrtqy bekitý qurylǵylary zaqymdanbaǵan, munaı tógilýine jol berilmegen.
«Qazirgi ýaqytta termınalda munaı tıeý oqıǵanyń saldaryn baǵalaý aıaqtalǵansha toqtatyldy. Munaı tıeýdi qaıta bastaý týraly qosymsha aqparat kelip túsken saıyn beriletin bolady», — dep qosty mınıstrlik.
Energetıka mınıstrligi mundaı shabýyldardy synı energetıkalyq ınfraqurylymnyń taza azamattyq nysandaryna qarsy jasalýyn jol berilmeıtinin atap ótti. «Halyqaralyq energetıkalyq ınfraqurylym nysandaryna qandaı da bir kúsh qoldaný jahandyq energetıkalyq qaýipsizdikke táýekel týǵyzady, energetıkalyq resýrstarmen úzdiksiz halyqaralyq saýda tetikterin buzady jáne jobaǵa qatysýshylardyń ekonomıkalyq múddelerine eleýli zıan keltiredi», — dep málimdedi QR EM.