Internette Erlan Qoıshybaevtyń jaqyn arada QTJ basqarma tóraǵasynyń birinshi orynbasary qyzmetine taǵaıyndalatyny týraly aqparat tarady, dep habarlaıdy infohub.kz.
Threads áleýmettik jelisindegi Logi_kaz basylymynyń akkaýntynda QTJ-da taǵy da kadrlyq ózgerister kútiletini týraly jazba jarıalandy. Basylymnyń menshikti derekkózine súıensek, «QTJ» UK» AQ basqarma tóraǵasynyń birinshi orynbasary laýazymyna qazirgi ýaqytta logıstıka jónindegi basqarma tóraǵasynyń orynbasary qyzmetin atqaratyn Erlan Qoıshybaev taǵaıyndalady dep kútilýde. Derekkózdiń aıtýynsha, bul kadrlyq sheshim ulttyq tasymaldaýshynyń negizgi jumys baǵyttaryn basqarýdy kúsheıtýge múmkindik beretin logıkalyq qadam retinde qarastyrylýda. Qoıshybaevtyń logıstıkadaǵy tájirıbesi QTJ-ǵa memleket basshysy qoıǵan 2026 jylǵy basty mindet — temirjol tranzıtiniń kólemin 55 mln tonnaǵa deıin arttyrýdy oryndaýǵa kómektesedi dep aıtylýda.
Alaıda bul aqparatty «Qazaqstan temir joly» UK» AQ baspasóz qyzmeti birden joqqa shyǵardy. «Bul aqparat shyndyqqa sáıkes kelmeıdi. QR zańnamasyna sáıkes jalǵan aqparat taratqany úshin jaýapkershilik týraly eske salamyz», — dep eskertti kompanıa.