«Qazaqstan temir joly» (QTJ) ulttyq tasymaldaýshysy poıyz bıletterine kúzgi jármeńke bastady. Jolaýshylarǵa birqatar baǵyt boıynsha 20%-dan 30%-ǵa deıingi jeńildik usynylyp otyr, dep habarlaıdy infohub.kz saıty.
Ulttyq tasymaldaýshynyń baspasóz qyzmeti naqtylaǵandaı, naýqan tek alty baǵytqa jáne vagondardyń belgili bir túrlerine ǵana qatysty. Taǵy bir shekteý bar: sóz dúısenbiden beısenbige deıin jóneltiletin poıyzdar týraly bolyp otyr. Arzandatylǵan baǵamen bılet satý 19 qyrkúıekten bastaldy.
Mine, qaı baǵyttar týraly aıtylyp otyr:
1. №77/78 «Almaty – Mańǵystaý». Vagon túri: kýpe. Jeńildik: 20%.
2. №9/10 «Astana – Almaty». Vagon túri: otyryp júretin. Jeńildik: 30%.
3. №67/68 «Astana – Óskemen». Vagon túri: otyryp júretin. Jeńildik: 30%.
4. №65/66 «Astana – Qyzylorda». Vagon túri: týrısik (kýpe). Jeńildik: 25%.
5. №11/12 «Almaty – Shymkent». Vagon túri: týrısik (kýpe). Jeńildik: 20%.
6. №25/26 «Almaty – Shymkent». Vagon túri: týrısik (kýpe). Jeńildik: 20%.
«Qosymsha aqparatty 1433 tegin nómiri arqyly, sondaı-aq «Jolaýshylar tasymaly» AQ-nyń Instagram-daǵy resmı paraqshasynan — @jolaushylar_tasymaly — alýǵa bolady», — dep qosty baspasóz qyzmeti.
Bılet baǵasy týraly
Jazda jýrnalıser QTJ tóraǵasynyń orynbasary Anýar Ahmetjanovtan nege keıbir jaǵdaıda poıyzben júrýdiń quny ushaq bıletimen shamalas bolatynyn suraǵan edi. Ulttyq tasymaldaýshy ókiliniń aıtýynsha, poıyz bıletteriniń baǵasy maýsymǵa nemese táýlik ýaqytyna qaraı ózgermeıdi jáne jyl boıy birdeı bolyp qalady, sondyqtan olardy áýe bıletterimen salystyrý durys emes.
Buǵan deıin «Kýrsıv» QTJ-da bir kýpege tanys emes erler men áıelderdiń bılet alýyna tyıym salý talqylanyp jatqanyn jazǵan bolatyn.