Qazaqstandyq kúresker Kýat Hamıtov álemdegi eń iri jalań judyryq saıysy lıgasy Bare Knuckle Fighting Championship (BKFC) óner kórsetý usynysyn aldy, dep habarlaıdy infohub.kz saıty.
Bul týraly sportshy Instagram-da jazdy. «Bare Knuckle FC-te óner kórsetý usynysyn aldym. Eger sharttar boıynsha kelissek, kúzde ózime jańa uıymda óner kórsetemin», – delingen habarlamada.
Bare Knuckle Fighting Championship (BKFC) – Fıladelfıada ornalasqan, jalań judyryq saıysyn uıymdastyratyn álemdegi eń iri uıym. 2018 jyly qurylǵan BKFC 1889 jyldan beri AQSh aýmaǵynda jalań judyryq boksy týrnırlerin ótkizýge resmı ruqsat alǵan alǵashqy kompanıa boldy. Sońǵy jyldary lıgada aralas jekpe-jek jáne kásibı bokstyń kóptegen tanymal faıtshylary óner kórsetti.
Aıta keteıik, osy aıda Hamıtov RAF uıymynda debút jasap, erkin kúres erejesimen UFC-diń tanymal faıtshysy Arman Sarýkánmen kezdesti. Qazaqstandyq bul jekpe-jekte jeńilip, odan keıin taǵy bir tanymal qarsylaspen jekpe-jek ótkizýdi usyndy.