InfoHub Logo

Birde janýarlar áleminde dúrkiregen toı ótti. Kópshiliktiń qýanyshty kúıde. Tek dastarhan shetinde otyrǵan eki shoshqa, qarsy aldynaǵy qonaqtyń túrine qarap kóńil kúıleriniń rásýasy shyqty. Ol, Pil edi. Onyń peıilinde esh kúmán joq, saltanattyń qýanyshymen bólisýde. Eki aǵaıyndy bolsa, onyń kúshine de, denesine de emes, onyń murynynyń uzyndyǵyn qyzǵanyshpen baqylaýda. Tilek kezegi úı janýarlaryna keldi. Ekeýi tilekterin jetkize sala tez-tez jınalyp júrip ketti.

Pildiń úıine baratyn jolda júgirip keledi. Oıdaǵy núktege jete «Osy jer» dep, toqtaı qalyp biri qazýǵa, ekinshisi japyraq jınap kelýge ketti. Sol, sol eken joldyń betinde kıtti de kúlli denesimen jutyp qoıatyn kólemde or dese or paıda boldy.

Endigi másele sol jerden ekinshisin shyǵaryp alý boldy. Jospar boıynsha, ordyń betin jaýyp Pildi sol jerge túsirý. Ol qulaǵan soń qaıta betin tegistep ketip qalý edi. Biraq, bári jospar boıynsha qaldy. Onyń oryndalýyna ordyń keremet tereń qazylǵany bóget boldy. Biri-ekinshisin shyǵarý úshin qolyna túskenniń bárin jumsady. Biraq, tartam degende ekinshisi ózi de kúmp etip, aǵasynyń qasyna qulap ketti.

Eki shoshqa ordyń ishinde kún batqanǵa deıin jan-jaǵynan járdem shaqyryp, aqyrynda úmitterin úze bastady. Aqyr-sońy qazylǵan tuzaq ishindegi ekeýdi áldekim, uzyn murynyn túsirip shyǵaryp aldy. Olar qutqarýshylaryn kórgende alǵys orynyna odan ári  yzaǵa bulyǵyp úılerine qashyp ketti.

Kúnder óte alǵys hat keldi. Ashyp oqysa: «Aǵaıyndy ekeý, kópten beri shomylatyn oryn qazǵym kelip júrgen, kókeıimdegini tapqandaryńa raqmet. Senderdi úıimde kórýge árqashan qýanyshtymyn.  Qurmetpen Pil Mamontuly».  Aldyndaǵy bir paraq betten bar yzalaryn almaq bolsa da, ashý yrqtaryna kónbeı, taǵy da údeı bastady. Sol kúnnen beri qabaqtary túsip, aǵaly-inili olar kúle almaıtyn boldy.

---