12 tamyzda jyldyń basty astronomıalyq oqıǵasy — tolyq kún tutylýy bolady. Aı Kúndi tolyǵymen jaýyp, keıbir aımaqtardy 2 mınýt 18 sekýndqa qarańǵylyqqa batyrady, dep habarlaıdy infohub.kz saıty.
Aıdyń kóleńkesi planeta boıymen nebári bir jarym saǵatta ótedi. Eń jaqsy kóriný Ispanıada, Islandıada, Grenlandıada jáne Reseıdiń soltústiginde kútilýde. Ispanıada tutylý kún batýmen tuspa-tus keledi. Eýropanyń kóp bóligi, AQSh, Kanada jáne Afrıkanyń soltústik-batysy ishinara tutylýdy baqylaı alady.
NASA óz saıtynda tikeleı translásıa ótkizedi, sondyqtan bul oqıǵany árkim kóre alady. Astronomdar Kúndi tek ISO 12312-2 standartyna sáıkes arnaıy kózildirikpen nemese kún súzgilerimen baqylaý qaýipsiz ekenin eske salady.
Tutylýdan basqa, osy kúni tańerteń aspanda alty planetanyń sherýi tiziledi, al túnde áıgili Perseıdter juldyz jańbyrynyń shyńy bastalady.
Buǵan deıin Kursiv LifeStyle NASA-da astronavttardyń tirshilik qaldyqtaryn sý, tyńaıtqysh jáne tipti 3D-basyp shyǵarýǵa arnalǵan materıaldar sıaqty paıdaly resýrstarǵa aınaldyra alatyn erekshe júıeni synap jatqanyn jazǵan bolatyn. Tehnologıa Aı men Marsqa bolashaq mısıalar úshin ázirlenýde.