Ótken táýlik ishinde Kúnde 20-ǵa jýyq jarqyl tirkeldi, onyń bireýi sońǵy eki aptadaǵy eń irisi boldy. Úsh kún buryn ortasha qarqyn táýligine 1–2 oqıǵany quraǵan edi, dep habarlaıdy infohub.kz.
Kún astronomıasy zerthanasynyń habarlaýynsha, jarqyldar geoáserli Kún aımaqtary dep atalatyn jerlerde tirkelýde, bul aımaqtardan Jerge áser etýi múmkin, biraq ázirge tikeleı qaýip tónbedi.
«Ǵaryshtyq aýa raıynyń negizgi faktory — qazirgi ýaqytta juldyzda baıqalatyn úlken tájdik tesik bolyp otyr. Osyǵan baılanysty búgin álsiz jáne ortasha deńgeıdegi magnıtti daýyldardyń damý yqtımaldyǵy joǵary bolyp tur. Geomagnıttik ındekster kóterilgen, biraq áli magnıtti daýyldar sheginen tómen. Jarqyldar sanynyń artýy jalǵasady dep kútilýde. Bir-eki kún ishinde X deńgeıindegi oqıǵalar bolýy múmkin», — dedi astronomdar.
Belsendiliktiń artýy ázirge jergilikti sıpatta, ol oqshaý iri kún daqtary tobynyń kezdeısoq paıda bolýymen baılanysty (katalogta oǵan 4493 nómiri berilgen). Qazirgi tańda kún belsendiliginiń ǵalamdyq deńgeıi tómen dep baǵalanýda.
Astrofızıkterdiń boljamynsha, 23 shildede tańerteń geomagnıttik belsendilik deńgeıi G1 belgisine jetedi. Bul bes baldyq shkala boıynsha eń tómengi deńgeı, magnıtosferadaǵy álsiz terbelisterdi bildiredi.
Buǵan deıin 3 jáne 4 shildede bolǵan kúshti magnıtti daýyl týraly habarlanǵan bolatyn.