Japonıanyń Hokkaıdo aralyndaǵy Kýsıro áýejaıynda ushý-qoný jolaǵyn jabaıy janýarlardan qorǵaý úshin avtonomdy «Monster Wolf» qurylǵysy paıdalanyla bastady. GPS-navıgasıasy bar ózdiginen júretin shópshapqyshqa ornatylǵan robot áýejaıdyń jabyq aımaǵynda shamamen 250 metr jerdi patrúldeıdi, dep habarlaıdy infohub.kz.
Infraqyzyl dachıkter túlki, qoıan jáne basqa da usaq janýarlardy anyqtaǵan kezde, qurylǵy 50 dybystyń birin, sonyń ishinde qasqyrdyń ulýyn shyǵarady. Hokkaido Airports Co. kompanıasynyń málimetinshe, bul Japonıadaǵy avtonomdy «Monster Wolf» robotynyń alǵashqy tolyq aýqymdy qoldanysy.
Qurylǵyny engizý týraly sheshim 2024 jyly bastalǵan eki jyldyq synaqtan keıin qabyldandy. Kompanıa synaq júıeniń tıimdiligin rastap, áýejaı aýmaǵynda usaq janýarlardyń paıda bolý jaǵdaılaryn azaıtýǵa kómekteskenin atap ótti.
Kýsıro áýejaıyn paıdalaný bóliminiń basshysy Akıhıro Mıkamı robot ushaqtardyń janýarlarmen soqtyǵysý qaýpin azaıtyp, olardy úrkitý sharalarynyń tıimdiligin arttyrady degen úmit bildirdi.