Aqmola oblysyndaǵy Batpakkol kólinde qutqarýshylar mas kúıinde qamys arasyna kirip, ózi shyǵa almaı qalǵan er adamdy sýdan shyǵaryp aldy. Bul týraly infohub.kz habarlaıdy.
Oqıǵa týraly habar 112 qyzmetine túsken. Qaıyqta bolǵan er adam qamys jaqtan kómek suraǵan daýysty estip, bul týraly qutqarýshylarǵa habarlaǵan.
TJM málimetinshe, 1990 jyly týǵan er adamǵa kómek qajet bolǵan. «Er adam mas kúıinde qamys arasyna kirip, óz betimen shyǵa almaı qaldy», — dep habarlady vedomstvodan.
Qutqarýshylar ony sýdan jedel alyp shyǵyp, jaǵaǵa jetkizip, jedel járdem brıgadasyna tapsyrdy.
TJM sý jaǵasynda аlkogóldi ishimdik ishýdiń qaıǵyly saldarǵa ákeletinin eskertti. «Mas kúıinde sýǵa túspeńizder. Аlkogól zeıindi tómendetip, reaksıa jyldamdyǵyn baıaýlatady, sýdaǵy jazataıym oqıǵalardyń qaýpin edáýir arttyrady. Qaýipsizdik erejelerin saqtap, sý jaǵasynda jaýapkershilikpen demalýǵa shaqyramyz», — delingen vedomstvo málimdemesinde.