Qyrǵyzstanda ótken halyqaralyq jarysta alaman báıgeniń kóp shaqyrymdyq qashyqtyǵynda qazaqstandyq shabandoz atynan qulap qaldy. Sodan keıin qyrǵyzstandyq bala Alıhan Askarbekov sol atqa minip, jarysty jalǵastyryp, márege úshinshi bolyp jetti. Bul týraly infohub.kz saıty habarlaıdy.
Kýágerlerdiń aıtýynsha, oqıǵa qashyqtyqtyń orta tusynda bolǵan. Shabandoz jarystan shyǵyp qalǵan soń, Askarbekov júgirip baryp, atqa sekirip minip, jarysty jalǵastyrǵan. Keıin attyń ıesi – Qazaqstan azamaty jas sportshyǵa 250 myń som (shamamen 1,3 mln teńge) júlde somasyn tabystaǵan.
«Ystyqkól-2026 kýbogy» atty halyqaralyq at jarysy 21 shildede ótti. Jarys baǵdarlamasyna alaman báıge, top báıge, qunan báıge jáne qysqa qashyqtyqqa shabý kirdi.
Jarysqa Qyrǵyzstannyń túrli aımaqtarynan shabandozdar men júırikter, sondaı-aq Qazaqstannan kelgen qonaqtar qatysty. Týrnır qorytyndysy boıynsha jeńimpazdar men júldegerler baǵaly syılyqtarmen marapattaldy.