Qyrǵyzstanda «Arashan» tuqymdy etti-maıly qoılardy damytýǵa arnalǵan festıválde erekshe mámile jasaldy: osy tuqymnyń qoshqary 1 mıllıon dollarǵa satyldy. NUR.KZ agenttiginiń «Spýtnık-Qyrǵyzstanǵa» silteme jasap habarlaýynsha, sharaǵa bes eldiń fermerleri qatysqan, dep jazady infohub.kz saıty.
Satylym týraly aqparatty Qyrǵyzstannyń Aýyl sharýashylyǵy mınıstrligi usyndy. Qolda bar derekterge sáıkes, qymbat ónim áıgili Frankel qoshqarynyń urpaǵy. 2023 jyly Frankel Qazaqstanǵa 150 myń dollarǵa satylǵan bolatyn.
«Frankel qyrǵyzdyń „Arashan“ tuqymynyń tanymal ókilderiniń biri sanalady. Ol Talas jaılaýynda ósirilgen. „Arashan“ tuqymy Qyrǵyzstanda 2021 jyly resmı tirkeldi. Ol gıssar jáne qyrǵyz qylshyq júndi tuqymdaryn býdandastyrý arqyly shyǵarylǵan. Buǵan deıin atalǵan tuqymǵa Qazaqstan men Ózbekstan fermerleri qyzyǵýshylyq tanytyp otyrǵany habarlanǵan», — delingen habarlamada.
2026 jyldyń naýryzynda Qyrǵyzstannyń Aýyl sharýashylyǵy mınıstrliginiń basshysy «Arashan» tuqymdy asyl tuqymdy qoılardy aýksıon nemese bırja formatynda satý úshin memlekettik alań qurýdy usynǵany atap ótildi.