Qyrǵyzstan parlamenti prezıdenttik saılaýdy taǵaıyndaý týraly sheshimdi qashan qabyldaıtyny belgili boldy, dep habarlaıdy infohub.kz saıty.
24.kg basylymynyń bıliktegi derekkózge silteme jasap habarlaýynsha, Jogorký Keneshtiń qyrkúıektiń alǵashqy aptalaryna arnalǵan aldyn ala jumys kestesi qalyptastyrylǵan. Osyǵan oraı, alǵashqy otyrys 2 qyrkúıekte ótýi tıis. 9 qyrkúıekte mınıstrler kabınetiniń keıbir músheleri ant beredi. Al Qyrǵyzstan prezıdentiniń kezekti saılaýyn taǵaıyndaý týraly qaýlyny parlament kezekten tys emes, kádimgi otyrysta 17 qyrkúıekte qabyldaýdy josparlap otyr.
Derekkózdiń aıtýynsha, bul merzim zańnama talaptaryna sáıkes keledi, oǵan sáıkes Jogorký Kenesh saılaý kúnine keminde tórt aı qalǵanda saılaý taǵaıyndaý týraly sheshim qabyldaýy tıis.
Buǵan deıin Qyrǵyzstandaǵy kezekti prezıdenttik saılaý 2027 jyldyń 27 qańtarynda ótetini belgili bolǵan.
Aıta keteıik, el prezıdenti Sadyr Japarov buǵan deıin UQK burynǵy basshysy Kamchybek Tashıevti bolashaq memleket basshysy retinde qarastyrǵanyn jáne 2027 jylǵy saılaýǵa óz kandıdatýrasyn qoıýdy oılamaǵanyn málimdegen edi. Al jaqynda Qyrǵyzstan basshysy 2027 jyldyń qańtarynda ótetin el prezıdenttigine saılaýǵa qatysatynyn resmı rastady.