Qyrǵyzstandaǵy anomaldy ystyq elektr energıasyn tutynýdyń kúrt ósýine sebep boldy. Onyń saldarynan Bishkek pen Shý oblysynyń keıbir aýdandarynda elektr qýaty ýaqytsha óshirildi, dep habarlaıdy infohub.kz saıty qyrǵyzdyń 24.kg basylymyna silteme jasap.
Qyrǵyzstannyń Ulttyq elektr jelisiniń habarlaýynsha, Ortalyq Azıadaǵy, sonyń ishinde Qyrǵyzstandaǵy tym joǵary temperatýra saldarynan energojúıege túsken júkteme rekordtyq deńgeıge jetti. Elektr jelileriniń jabdyqtary shamasynyń sheginde jumys istep tur, al keıbir elektr berý jelileri belgilengen normadan asyp ketken.
Apattar men aýqymdy óshirýlerdi boldyrmaý úshin energetıkter retteý sharalaryn júrgizýde. Keıbir aýdandarda elektr qýatyn berýde eki saǵatqa deıingi ýaqytsha úzilister bolýy múmkin.
Ulttyq elektr jelisi shekteýlerdiń ýaqytsha ekenin, jabdyqty qorǵaý, júıelik aqaýlardyń aldyn alý jáne elektrmen jabdyqtaý turaqtylyǵyn saqtaý úshin qajet ekenin atap ótti.