Guoyou Materials Group kompanıasy Kaspı teńiziniń qazaqstandyq jaǵalaýyndaǵy Quryq portynda kópfýnksıonaldy termınal salýǵa $1 mlrd ınvestısıa salady, dep habarlaıdy infohub.kz.
Qazaqstan Prezıdenti Qasym-Jomart Toqaevtyń qytaılyq bıznes ókilderimen kezdesýinde Kólik mınıstrligi, Mańǵystaý oblysy ákimdigi jáne Guoyou Materials Industry Group kompanıasy arasynda Quryq portyndaǵy kópfýnksıonaldy termınaldyń birinshi kezegin salýǵa ınvestısıalyq kelisimge qol qoıyldy.
Guoyou kompanıasynyń basshysymen kezdesý barysynda Toqaev jańa port biriktirilgen teńiz jáne temirjol logıstıkasyn damytýǵa, óńirdiń kólik ınfraqurylymynyń ótkizý qabiletin arttyrýǵa, sondaı-aq Qazaqstannyń eksporttyq jáne tranzıttik múmkindikterin keńeıtýge múmkindik beretinin atap ótti.
Korporasıa porttyń ótkizý qabiletin 15 mln tonnaǵa deıin jetkizýdi josparlap otyr. Termınal qurylysyna salynatyn ınvestısıa $1 mlrd quraıdy.
«Qazaqstan — Qytaıdyń Eýropaǵa shyǵatyn mańyzdy tranzıttik dálizi. Kaspı teńizindegi porttar Eýropaǵa barar joldaǵy jańa baǵyt ári jańa ósý núktesi sanalady. Prezıdent Toqaev Kaspı baǵytynyń strategıalyq mańyzdylyǵyn birneshe ret atap ótip, bul máseleni Qazaqstanda memlekettik deńgeıge kóterdi», – dedi Guoyou Materials Group dırektorlar keńesiniń tóraǵasy Iýı Boıan.
Kompanıa ókili jobany júzege asyrý 800 jumys ornyn ashýǵa múmkindik beretinin atap ótti.
Buǵan deıin Qazaqstan Prezıdenti Qasym-Jomart Toqaev Shanhaıda QHR Tóraǵasy Sı Szınpınmen kelissóz júrgizgen bolatyn.