Qytaılyq «Urumqi Airlines» áýekompanıasy Qazaqstannyń kólik mınıstrligimen Zaısan men Katon-Qaraǵaıǵa reıs ashý máselesin talqylap jatyr, dep habarlaıdy infohub.kz saıty.
Ázirge Úrimshi – Qaraǵandy, Qulja (Inı) – Astana jáne Qulja (Inı) – Almaty baǵyttary boıynsha turaqty reıster ashý týraly sóz bolyp otyr, dep habarlaıdy Kólik mınıstrliginiń baspasóz qyzmeti. Alaıda bolashaqta taraptar basqa da baǵyttardy talqylaýda. Mysaly, «Urumqi Airlines» Óskemen men Semeıge usha bastaýy múmkin, sondaı-aq Shyǵys Qazaqstan oblysyna, atap aıtqanda Katon-Qaraǵaıǵa reıs ashýy yqtımal. Taǵy bir týrısik baǵyt — Qytaımen shekarada ornalasqan Zaısan.
Katon-Qaraǵaı týrıserdi demalystyń ártúrli túrlerimen tartady. Buqtyrma sý qoımasynda shomylýǵa, áıgili emdik Rahman bulaqtaryna barýǵa, Altaı taýlarynda trekıng jasaýǵa nemese shatqaldardaǵy kórikti joldarmen kólikpen saıahattaýǵa bolady.
Abaı oblysyndaǵy Zaısan qalasynyń mańynda attas kól, sondaı-aq ǵajaıyp mars peızajdarymen tanymal Kıin-Kerish shatqaly ornalasqan.
«Urumqi Airlines» áýekompanıasy buǵan deıin tek Qytaı ishindegi reısterge qyzmet kórsetken. Syrtqa shyǵar alǵashqy halyqaralyq baǵyt Qazaqstan bolýy múmkin.
Buǵan deıin Kursiv LifeStyle elimizdiń qaı qalalarynan Túrkıaǵa jıi usha alatynyn jazǵan.