Qyzylorda oblysynda baǵaly metaldardy zańsyz óndirýmen aınalysqan kúdikti qylmystyq toptyń áreketi toqtatyldy. Operasıany oblystyq ÁFM departamentiniń qyzmetkerleri prokýratýranyń úılestirýimen jáne UQK departamentimen birlesip júrgizdi, dep habarlaıdy infohub.kz saıty.
Tergeý derekteri boıynsha, Jamankól shatqalynda kúrdeli ónerkásiptik óńdeýdi qajet etpeıtin samorodok altyn óndirilgen. Qatysýshylar arasynda rólder naqty bólingen: bireýleri kenshilerdi tartyp, óndiristi uıymdastyrsa, endi bireýleri tasymaldaý men ótkizýge jaýapty bolǵan, al úshinshileri qaýipsizdikti qamtamasyz etken.
Vedomstvonyń aıtýynsha, zańsyz áreketterdi jasyrý úshin aınalaǵa kúzetshiler qoıylyp, motosıklshiler irgeles aýmaqty aralap, bógde adamdar men memlekettik organ qyzmetkerleriniń kelgenin eskertip otyrǵan.
Altyn odan ári ótkizý úshin Almatyǵa jetkizilip, túsken aqsha sqemaǵa qatysýshylar arasynda bólingen.
Tintý kezinde 500 gramnan astam altyn quramdy shıkizat, 2 birlik arnaıy tehnıka, 12 metal izdegish, sondaı-aq 6 avtokólik tárkilendi. Sonymen qatar, 2 pnevmatıkalyq tapansha men tegis uńǵyly myltyq tabyldy.
Qazirgi ýaqytta 13 adam qamaýǵa alyndy. Tergeý jalǵasýda.