Qyzylordada «Qazaqstandyq turǵyn úı kompanıasy» (QTÚK) jylý maýsymynda anany kámeletke tolmaǵan balalarymen birge jaldamaly páterden shyǵarý áreketi sátsiz aıaqtaldy, dep habarlaıdy infohub.kz saıty.
Memlekettik sot oryndaýshysy qys aıaqtalǵansha shyǵarý prosesin toqtata turdy, alaıda QTÚK buǵan kelispeı, sotqa ákimshilik talap-aryz berdi. Kompanıa sot oryndaýshysynyń qaýlysyn zańsyz dep taýyp, kúshin joıýdy talap etti jáne áıel páterdiń menshik ıesi emes, tek shart boıynsha jalǵa alatynyn, sondyqtan keıinge qaldyrýǵa zańdy negiz joq dep dáleldedi.
Birinshi jáne apelásıalyq satylardaǵy sottar QTÚK-tiń talabyn qanaǵattandyrmaı, sot oryndaýshysynyń áreketterin zańdy dep tanydy. Sheshimderinde olar kompanıanyń talap-aryzy Bala quqyqtary týraly konvensıany, sondaı-aq izgilik pen ádildik qaǵıdattaryn buzatynyn atap ótti.
İs kasasıalyq sotqa deıin jetti. Sot is júrgizýdiń kámeletke tolmaǵan balalary bar otbasyna qatysty qozǵalǵanyn anyqtady. Sonymen qatar, kasasıalyq sot zań boıynsha jylý maýsymynda balalary bar otbasylardy, múgedektigi bar adamdardy jáne áleýmettik osal toptardy jalǵyz baspanadan shyǵarýǵa tyıym salynǵanyn eske saldy. Sondaı-aq, bastapqyda turǵyn úı áıelge keıinnen satyp alý quqyǵymen jalǵa berilgenin eskerdi, bul otbasynyń uzaq jáne turaqty turýyn rastaıdy.
Bul rette kasasıalyq sot shyǵarýdy toqtata turý týraly sheshim ýaqytsha sıpatqa ıe ekenin, sot úkimin joımaı, tek qysqy kezeńde balalardyń quqyqtaryn qorǵaıtynyn atap ótti.
Buǵan deıin Qazaqstanda boryshkerlerdi baspanadan shyǵarý erejeleri ózgergeni habarlanǵan bolatyn.