Fýtboldan álem chempıonatynyń jartylaı fınalynan keıin Ispanıa quramasynyń shabýylshysy Lamın Iamaldyń Barselona mańyndaǵy elıtaly Esplýges-de-Lobregat qalashyǵyndaǵy úıine tonaý áreketi jasaldy, — dep habarlaıdy infohub.kz saıty.
Jeke kúzet qyzmetkeri kúdiktilerdi der kezinde baıqap, tonaýdy boldyrmady.
Derekkózderdiń málimetinshe, kezekshi kúzetshi beınebaqylaý kameralarynan qorshaýdan asýǵa tyrysqan eki er adamdy baıqaǵan.
Ózderiniń baıqalǵanyn túsingen áleýetti urylar polısıa kelgenshe qashyp ketip, úıge kirmedi.
Oqıǵa ornyna Katalonıa polısıasynyń patrúlderi keldi. Tergeýdi qylmystyq istermen kúres bólimi júrgizip jatyr.
Quqyq qorǵaý organdary sol túni basqa úılerde de osyndaı buzý áreketterin tirkegen. Iamaldyń úıi qylmyskerlerdiń naqty nysanasy boldy ma, álde serıaly urylardyń jolynda kezdesip qaldy ma, osy anyqtalyp jatyr.
Eske sala keteıik, Ispanıa quramasy Fransıany jeńip, álem chempıonatynyń fınalyna shyqty.