Reseı Federasıasynyń Syrtqy ister mınıstri Sergeı Lavrov Eýropa elderine Reseı aýmaǵyna shabýyl jasaýdyń qandaı saldarǵa ákeletinin eskertti, dep habarlaıdy infohub.kz saıty.
NUR.KZ agenttiginiń RIA Novostıge silteme jasap habarlaýynsha, Reseı syrtqy saıası vedomstvosynyń basshysy Eýropamen yqtımal soǵys týraly Halyqaralyq jastar festıvalinde aıtqan.
«Biz Eýropaǵa shabýyl jasaýǵa nıettenbeıtinimizdi birneshe ret aıtqanbyz. Prezıdent (RF – red. eskertpesi) jaqynda bul taqyrypqa taǵy da egjeı-tegjeıli toqtaldy», – dep eske saldy mınıstr.
Sonymen qatar ol Eýropanyń Reseıge shabýyl jasaýy qandaı saldarǵa ákeletinin eskertti. «Aıta keteıin, bizdiń bunymen aınalysýǵa eshqandaı múddemiz joq, biraq Reseıge qarsy soǵysqa daıyndyq týraly kún saıyn aıtyp júrgen Eýropa Reseı Federasıasyna shabýyl jasasa, bul múlde basqa soǵys bolady jáne ol óte qysqa bolady», – dep qosty Lavrov.
Eske salaıyq, maýsymda NATO Bas hatshysy Mark Rútte Reseı aláns úshin uzaq merzimdi qaýip bolyp qala beretinin málimdegen. Tamyzda alánstyń Reseımen soǵys jaǵdaıyna arnalǵan jospar daıyndaǵany belgili boldy.
Al búgin BAQ Germanıa bıligi eldiń densaýlyq saqtaý júıeleriniń soǵysqa jáne jaralylardyń jappaı aǵynyna daıyndyq deńgeıin tekserýdi bastaǵanyn habarlady.