Tanymal amerıkandyq basketbolshy LeBron Djeıms «Fıladelfıa Seventı Sıksers» sapyna qosylǵanyn málimdedi, dep habarlaıdy infohub.kz.
41 jastaǵy shabýylshy ótken maýsym aıaqtalǵan soń mansabyn aıaqtaýǵa daıyn bolǵanyn, biraq áli de basketboldy jaqsy kóretinin moıyndady. «Sońǵy birneshe apta óte erekshe boldy. Buryn eshqashan ne isterimdi bilmeı, jaı ǵana oılanýǵa ýaqyt bóle almappyn. Osy birneshe aıda men jaqsy kóretin adamdarymnyń qasynda bolyp, bárin túsinýge tyrystym. Endi sheshim qabyldandy. Men aqsha qýyp júrgen joqpyn. Muny otbasym úshin istep jatqan joqpyn. Endeshe, qazirgi kezeńde nege oınaımyn? Men áli de qurbandyqqa barýǵa daıynmyn. Áli de ter tógip, eńbektengim keledi. Áli de básekege túsip, jeńip, taǵy bir chempıondyqtyń dámin tatýǵa múmkindik alǵym keledi. Men «Fıladelfıany» chempıondyq komandaǵa aınaldyrýǵa kómektese alamyn dep senemin. Jańa jankúıerlerdi shabyttandyryp, sońǵy ret keremet sapardy bastaýǵa qýanyshtymyn», — dep jazdy Djeıms.
LeBron sondaı-aq óziniń burynǵy komandalaryna — «Los-Andjeles Leıkers», «Klıvlend Kavalers» jáne «Maıamı Hıt»-ke alǵys bildirdi. Sportshynyń múddesin bildiretin agent Rıch Pol ESPN-ge 8 mln dollarǵa eki jyldyq kelisimshart jasalǵanyn habarlady.
Djeıms — tórt dúrkin NBA chempıony jáne tórt dúrkin lıganyń eń qundy oıynshysy. Oǵan NBA-da jınaǵan upaılar (43 440), ótkizilgen maýsymdar (23) jáne oıyndar (1917) boıynsha rekordtar tıesili. AQSh quramasynyń sapynda ol úsh ret Olımpıada chempıony atandy jáne bir ret qola júlde aldy.