16 shildede keńes jáne reseılik ánshi, kompozıtor Leonıd Agýtın 58 jasqa toldy. Juldyzdy áriptesteri men jankúıerleri ony týǵan kúnimen jyly quttyqtady, dep habarlaıdy infohub.kz saıty.
Kompozıtor ári aqyn Igor Nıkolaev Instagram-da týǵan kún ıesimen birge túsken birneshe fotosýretin jarıalap: «Lenechka, dosym, mine, sen taǵy da menen 8 jas kishisiń, al keshe 9 jas kishi ediń. Men seniń ázilderińdi, mýzykalyq sheberligińdi, óleń men áýen jazýdaǵy erekshe talantyńdy, adaldyǵyńdy jaqsy kóremin. Búkil otbasym atynan rahmet, bizdi Sochıge shaqyrǵanyń, meniń shyǵarmashylyq keshimdi uıymdastyryp, óziń de qatysqanyń úshin! Ári qaraı da ómir súrip, shyǵarmashylyqpen aınalysaıyq! Týǵan kúnińmen!» dep jazdy.
Ánshi Vladımır Presnákov ta dosy ári áriptesin quttyqtady: «Lená! Súıikti dosym! Seni týǵan kúnińmen quttyqtaımyn! Mine, ómirimizdiń jartysy birge ótti. Men seni mýzykant retinde, adam retinde, dos ári baýyr retinde maqtan etemin. Baqytty bol, saý bol jáne mýzykańdy adamdarǵa syıla. Ol emdeıdi jáne shabyttandyrady! Seni jaqsy kóremin. Ádettegideı, Vorobevoda kezdesemiz».
Áleýmettik jeli qoldanýshylary quttyqtaýlarǵa qosylyp, týǵan kún ıesine shyǵarmashylyq tabys tiledi.