40 jastaǵy amerıkalyq aktrısa, ánshi, model jáne kıim dızaıneri Lındsı Lohan kópshilikti taǵy da ózgergen kelbetimen tańǵaldyrdy. Jańa beınedegi sýretter onyń Instagram paraqshasynda paıda boldy, dep habarlaıdy infohub.kz.
Juldyz mansabynyń basynda onyń aıryqsha belgisine aınalǵan qyzyl shash túsine qaıta oraldy. Sýretterde Lohan ashyq qyzyl buıra shashymen, jeńil tolqyndy etip qoıǵan, kógildir jeńil halat kıip tur.
Eske salaıyq, Lohan kıno salasyndaǵy jolyn endi bastaǵan kezde ol ekrandarda osyndaı shash úlgisimen jıi kórinetin. Alaıda keıin uzaq ýaqyt aqquba boldy.
Áleýmettik jeli qoldanýshylary álemdik juldyzdyń jańa beınesin joǵary baǵalady. Jarıalanymnyń astynda olar kóptegen tańdanys bildiretin pikirler qaldyrdy: «Keremet», «Pop-mádenıettegi eń tanymal qyzyl shashty», «Qyzyl shashta sen tamashasyń», «Bul sırek jáne ádemi», «Biz qyzyl shashyńdy saǵyndyq», «Lındsı qyzyl shashqa oralýda», «Óte ádemi».
IMDb derekteri boıynsha, Lındsı Lohan 1986 jyly 2 shildede Nú-Iorkte Dına Lohan men Maıkl Lohannyń otbasynda dúnıege kelgen. Ol mansabyn úsh jasynda Ford agenttiginde model bolyp bastady, sondaı-aq 60-tan astam teledıdar jarnamalaryna tústi.
10 jasynda ol «Basqa álem» telehıkaıasynda Alı Faýlerdiń rólin oınap, bul róldi oryndaǵan úshinshi aktrısa boldy. 1998 jyly onyń tolyqmetrajdy kınoǵa debúti — «Ata-analarǵa arnalǵan tuzaq» fılminde ótti.
2001 jyldyń maýsymynda Lohan akterlik qyzmetten qysqa úzilis aldy. Onyń mýzykalyq mansaby bir jyldan astam ýaqyttan keıin, 2002 jyldyń qyrkúıeginde Estefan Enterprises kompanıasy onymen bes álbom shyǵarýǵa kelisim jasap, ol qaıta jandanǵan Casablanca Records kompanıasymen kelisimshartqa otyrǵanda bastaldy.
Alaıda dál akterlik qyzmet oǵan úlken jetistik ákeldi. 2000-jyldardyń ortasynda «Jaman qyzdar» jáne «Qutyrǵan juma» fılmderi jaryqqa shyǵyp, Lohandy álemdik juldyzǵa aınaldyrdy. Keıin tanymal tulǵa óziniń kıim úlgisin shyǵardy.