Lionsgate kompanıasy «Ashtyq oıyndary» álemine arnalǵan, jas Heımıch Ebernetı týraly jańa fılmniń treılerin usyndy. Kartına kınoteatrlarda jáne IMAX formatynda 20 qarashada shyǵady, dep habarlaıdy infohub.kz saıty.
Bul — ataqty franshızanyń ekinshi prıkveli. Fılm Súzen Kollınzdiń kitaby boıynsha túsirilip, Kıtnıss Everdın tarıhynan 24 jyl buryn bolǵan oqıǵalardy baıandaıdy.
Sújettiń ortalyǵynda — Heımıch Ebernetıdiń jastyq shaǵy. Keıin ol Kıtnısstiń tálimgeri bolady, alaıda jastyǵynda ózi arenada aman qalýǵa májbúr boldy. Bul joly 50-shi Ashtyq oıyndary — mereıtoılyq týrnır ótedi. Arenaǵa 24 emes, birden 48 jasóspirim jiberiledi — ár dıstrıktten tórt adamnan.
On alty jasar Heımıch jaı ǵana aman qalýǵa emes, qatygez Kapıtolı men prezıdent Snoýǵa ishinen qarsy turýǵa tyrysady. Dál onyń áreketteri Panemdegi bolashaq kóterilisti bastaıdy.
Basty róldi Djozef Zada («Edemnen shyǵysqa qaraı») somdady. Sondaı-aq fılmde Reıf Faıns («Odısseıdiń oralýy», «Shındler tizimi», «Konklav»), Djessı Plemons («Mahabbat pen ólim», «Barlyq jamandyqqa qarsy»), Glenn Kloýz («101 dalmatınes»), El Fannıng («Jyrtqysh: Ólim planetasy», «Uly», «Margonyń aqshamen problemasy bar»), Makkenna Greıs («Qubyjyq aýlaýshylar: Muragerler», «Sheldonnyń balalyq shaǵy») jáne basqa da juldyzdar oınady. Rejıser qaıtadan Frensıs Loýrens boldy.
Buǵan deıin Kursiv LifeStyle amerıkandyq akter Djosh Hacherson «Ashtyq oıyndary» fılmindegi rólimen tanymal bolyp, Teılor Svıft jankúıerleri tarapynan heıt tolqynyna ushyraǵanyn jazǵan. Onyń aıtýynsha, bári ol ánshiniń konsertine anasymen birge barǵannan keıin, jýrnalısermen áńgimede ártiske qurmetpen qaraıtynyn, biraq onyń jankúıeri emes ekenin aıtqannan keıin bastalǵan.