Lıtva bıligi áskerı qaýip nemese aýyr daǵdarys týyndaǵan jaǵdaıda halyqty kóshirýdiń egjeı-tegjeıli josparyn ázirledi. Aqparatqa sáıkes, azamattardy Polshaǵa shyǵarý josparlanyp otyr, dep habarlaıdy infohub.kz saıty.
El astanasy Vılnústen kóshirýdiń úsh negizgi baǵytynyń bireýi Polsha shekarasyna qaraı baǵyttalǵan. Qalǵan marshrýttar eldiń soltústigi men batysyna júrgiziledi. Polsha Respýblıkasynyń Podláskoe voevodstvosy bıligi aımaqty Baltyq elderi turǵyndary úshin tranzıttik dáliz retinde daıyndaý jumystaryn júrgizýde.
Lıtva jospary boıynsha kóshirý prosesi men kezektiligi eń aldymen qaýiptiń orny men aýqymyna baılanysty bolýy tıis.
«El bıligi bir jyl buryn jańartylǵan jospardy usyndy, oǵan sáıkes astanadan kóshirý baǵyttarynyń biri Polsha bolýy kerek. Qalǵan baǵyttar eldiń soltústigi men batysyna aparady. Kóshirý tikeleı qaýip týyndaǵanǵa deıin bastalýy tıis. Vılnús turǵyndary atqylaý kezinde qaladan kóshirý marshrýttarynyń birimen shyǵamyz dep senbeýi kerek», — dedi Vılnús qalalyq ózin-ózi basqarý departamentiniń azamattyq qorǵanys ókili Jıgımantas Solovevas.
Mundaı jaǵdaıda panahanaǵa tyǵylý qajet. Vedomstvo kóshirý josparyn daıyndaýdyń bir sebebi turǵyndardy kóshirý baqylanatyn proses bolýy kerek degen oıǵa úıretý bolǵanyn málimdedi.
Jarıalanymda Podláskoe voevodstvosyn Baltyq elderiniń kóshirý júıesine qosý sheshimi Polshanyń ishki ister mınıstrligi men ákimshiliginiń Polshanyń shyǵys shekarasynda birneshe jyldan beri jalǵasyp kele jatqan qarýly qaqtyǵysqa jáne eskalasıanyń naqty qaýpine tikeleı reaksıasy ekeni atap ótilgen.
Eske salaıyq, 11 qyrkúıekte Reseı prezıdentiniń baspasóz hatshysy Dmıtrı Peskov Lıtva aýmaǵy qandaı jaǵdaıda ıadrolyq qarýdyń nysanasyna aınalatynyn aıtqan bolatyn.
Sondaı-aq buǵan deıin Germanıa bıligi eldiń densaýlyq saqtaý júıeleriniń soǵysqa jáne jaralylardyń jappaı aǵynyna daıyndyq deńgeıin tekserýdi bastaǵany belgili boldy.