«Papıny dochkı» serıalynan tanymal reseılik aktrısa Lıza Arzamasova Qazaqstanǵa gаstrólmen kelip, el turǵyndaryna jyly qabyldaý úshin alǵys aıtty, dep habarlaıdy infohub.kz saıty.
Ol akter Igor Lıfanovpen birge qyrkúıek aıynyń sońynda Qaraǵandy, Pavlodar jáne Astanada «Noch ee otkrovenı» qoıylymyn usyndy. Aktrısa Instagram paraqshasynda qazaqstandyq kórermenderge arnap bylaı dep jazdy: «Bul tamasha kún boldy! Qazaqstandaǵy qymbatty kórermenderimizge osyndaı jyly lebiz ben jyly qarsy alý úshin raqmet! Tústerińiz tynysh bolsyn, al maǵan úıge, kúıeýime aparar jol jeńil bolsyn dep tileńizder. Barlyǵyńyzǵa mindetti túrde — Senim, Úmit jáne Mahabbat tileımin».
Qazaqstandyq kórermender bul jazbaǵa kóptegen jyly pikirler jaýdyrdy. «Keremet qoıylym boldy. Rahmet!», «Biz sizdiń spektaklińizde boldyq, bul jaı ǵana tańyrqaý, tánti bolý. Igor Romanovıchpen birge qandaı keremetsizder. Bul ǵajap boldy!», «Spektaklińizde boldyq! Emosıa, kúlki, sál muń jáne sheksiz meıirim úshin kóp rahmet. Qatty unady, taǵy kelińizder», «Pavlodarǵa kelgenderińizge rahmet», «Qaraǵandydaǵy spektákl úshin rahmet. Bul feerıa boldy! Siz Igor ekeýińiz qanshama emosıa syılap, oıynyńyzben eń jaqsy estelikter qaldyrdyńyz», «Astanadan mahabbatpen!» — dep jazdy jelide.