Atyraý qalasynyń №2 orta mektebiniń
bastaýysh synyp muǵalimi
Mahımova Raýshan Mýbarakqyzy

Kómekshi qural bastaýysh synyp muǵalimderine arnalǵan.

Maqsaty:
Oqýshylardyń oı - órisin keńeıtý, logıkalyq oılaýyn damytý.
Esepteý daǵdylaryn jetildirý;
Matematıkalyq tilde sóıleýge, uqyptylyqqa baýlý.

Logıkalyq esepter
*Eki adam shahmatty 2 saǵat oınady. Bir adam neshe saǵat oınaıdy?
*Qos at jegilgen arba 40 shaqyrym júrdi. Bir at neshe shaqyrym júrdi?
*4 jumyrtqa 4 mınýt pisse, bir jumyrtqa neshe mınýt pisedi?
*2 kg maqta aýyr ma, 2kg temir aýyr ma?
*Almurt almadan aýyr, al alma shabdalydan aýyr. Qaısysy aýyr almurt pa álde shabdaly ma?
*Bir aıda 5 jeksenbi bola ma?
*Úsh at jegilgen arba 30 km júrdi. Bir attyń jyldamdyǵy qandaı?
*Aldynda 1, artynda 2, aldynda 2, bireýi ekeýiniń arasynda jáne úsheýi bir qatarda qaz ushyp keledi. Barlyǵy neshe qaz?
*Sıyr 4 aıaǵymen tursa 200 kg, 2 aıaǵymen tursa neshe kg bolady?
*Uzyndyǵy 10 metr jipti ár bóligi 2 metr bolý úshin neshe ret qıý kerek7
*Úsh qyz bir synypta oqıdy. Aıgúl, Gúlnaz, Aınash. Aıgúl Gúlnazdan úlken, Gúlnaz Aınashtan úlken. Kim sonda úlkeni?
*Túıequs 2 aıaǵymen tursa 1 put tartsa, 1 aıaǵymen tursa neshe put tartady?
*Baqytjannyń 4 uly, olardyń árqaısysynyń týǵan qaryndasy bar. Baqytjannyń neshe balasy bar?
*Saǵat túngi 10 - da jaýyn jaýyp tursa, 24 saǵattan keıin kúnniń jarqyrap turýy múmkin be?
*Dorbadaǵy 10 asyqty 10 bala aldy. Sonda dorbada 1 asyq qaldy. Ol qalaı?
*Marat keshki saǵat 10 - da uıqyǵa jatty. Ol saǵattyń qońyraýyn tańǵy 9 - ǵa qoıdy. Ol neshe saǵat uıyqtady?
*Senbiden keıin 2 kúnnen keıin qaı kún keledi?
*Nemere atasynan: "Jasyń neshede? "dep surady. Atasy eger ózimniń qazirgi jasymnyń jartysyndaı ýaqyt jáne taǵy bir jyl ómir súrsem, onda maǵan 100 jas bolar edi. Atasynyń jasy neshede?
*Úsh taýyq úsh kúnde úsh jumyrtqa salady. 12 taýyq 12 kúnde qansha jumyrtqa salady?
*Dúısenbiden keıin 3 kúnnen keıin qaı kún keledi?
*Baspaldaq 15 basqyshtan turady. Baspaldaqtyń ortasynda turý úshin neshinshi basqyshty basý kerek?