Logıkalyq esepter men test jınaǵy

Alǵy sóz
Adamnyń erekshe qasıetteriniń biri - esepti durys sheshe bilý. Bizdiń maqsatymyz - oqýshynyń matematıkaǵa qyzyǵýshylyǵyn arttyrý, esepti durys shyǵara bilýge úıretý.
Usynylyp otyrǵan ádistemelik jınaq matematıkadan daıyndyǵy ár túrli dárejedegi oqýshylarǵa arnalǵan. Avtor ózi jınaqtaǵan materıaldardyń matematıkany endi - endi ǵana túsinip kele jatqan oqýshylar úshin, burynnan matematıkamen aınalysyp, ár túrli qıyndyqtaǵy esepterdi shyǵaryp, óziniń matematıkalyq oılaý qabiletin oqýlyqqa qosymsha quraldar arqyly damytyp júrgen oqýshylar úshin de, bolashaqta matematık bolǵysy keletinderge arnalǵan.
Jınaqqa engen taqyryptar ár túrli. Onyń ishinde matematıkalyq oıyndar, aýyzsha esepteý tásilderi, matematıkalyq tester men esepter bar. Usynylǵan materıaldardy fakúltatıvtik sabaqtarda, úıirme jumystarynda, sol sıaqty matematıkalyq kesh, vıktorınalar ótkizý úshin de paıdalanýǵa bolady.

I bólim. Logıkalyq esepter
1. Ústel basynda 2 áke jáne 2 bala otyr. Olar ydystaǵy 3 jumyrtqany ózara bólisip, árqaısysy bir - birden jumyrtqa jegen. Sonda qalaı?
Jaýaby: atasy, balasy, nemeresi

2. Aıjan men Marjannyń ákeleriniń attaryn ata. Aıjan men Marjan – Asqar men Murattyń qyzdary. Aıjan Asqardyń qyzynan 2 jas kishi bolsa, bulardyń árqaısysynyń ákeleriniń aty kim?
(Aıjan – Murattyń, Marjan – Asqardyń qyzy).

3. Arman, Aıan, Aslan aǵaıyndy úsheýi ár synypta oqıdy. Aslan Armannan, al Aıan Aslannan kishi emes. Bul úıdiń úlkeni, ortanshysy, kishisi kim?
(Eń úlkeni Aıan, eń kishisi Arman, ortanshysy Aslan).

4. Qaı aýyldyń balalary? Ádilet, Erkin, Erlan úsheýi lagerde kezdesti. Bulardyń bireýi – Harkınnen, ekinshisi – Taıpaqtan, úshinshisi – Mergennen kelgen. Erlan men Harkınnen kelgen Erkin ekeýi bir bólmege ornalasty, bulardyń ekeýi de Taıpaqta bolyp kórmegendigi bolsa, qaı bala qaı aýyldan kelgen?
(Ádilet – Taıpaq, Erkin – Harkın, Erlan – Mergennen kelgen).

5. Olar qandaı baǵa aldy? Ásem, Ardaq, Anar úsheýi matematıkadan baqylaý jumysynan qandaı baǵa alǵanyn suraǵanda, muǵalim: “Eshqaısysyń jaman baǵa alǵan joqsyńdar, biraq árqaısyńnyń baǵań ár túrli. Ásemniń baǵasy «3» emes, al Anardyń baǵasy «3»- te «5»- te emes”, - dedi. Sonda árkim qandaı baǵa alǵan?
(Ásem – «5», Anar – «4», Ardaq – «3» alǵan).

6. Ańshy ormanǵa kelip, butaqta qonyp turǵan saýysqandy atqan eken, biraq qarǵa qulapty. Bul qalaı bolǵany?
Jaýaby: saýysqan qardyń ústine qulady.
Logıkalyq esepter men test jınaǵy. júkteý