London mańynda jolaýshylar poıyzy relsten shyǵyp, bul eki kún ishindegi ekinshi oqıǵa boldy. Bul týraly Brıtandyq kólik polısıasy habarlady. Aldyńǵy kúni taǵy bir poıyz relsten shyǵyp, eki adam aýyr jaralanǵan edi.
Polısıanyń málimetinshe, Esseks okrýgindegi Ýıkford temirjol stansasynyń mańynda, Londonnan shamamen 48 shaqyrym shyǵysta ornalasqan jerde, poıyzdyń artqy vagondary relsten shyqqany týraly habarlama túsken. Oqıǵa ornyna polısıa qyzmetkerleri, jedel járdem jáne órt sóndirýshiler jiberildi.
Polısıanyń aıtýynsha, vagondar tik kúıinde qalǵan, zardap shekkender joq. Ulttyq temirjol kompanıasy oqıǵanyń sebepterin anyqtap jatqanyn, al poıyzdar qozǵalysynda úlken úzilister búgin túske deıin jalǵasatynyn habarlady.
Bul oqıǵa Londonnan Istbornǵa bara jatqan poıyzdyń Anglıanyń ońtústigindegi Lúıs qalasynyń mańynda relsten shyqqanynan 24 saǵattan az ýaqyt ótken soń boldy. Sol kezde úsh vagon aýdarylyp, eki adam aýyr, 18 adam jeńil jaralanǵan bolatyn. Barlyq jolaýshylar shamamen úsh saǵat ishinde evakýasıalandy.
Relsten shyǵý sebepteri tergelýde.