Los-Andjeleste Djordj Lýkastyń Narratıvtik óner murajaıynyń (Lucas Museum of Narrative Art) ashylýyna oraı saltanatty kesh ótti. İs-sharaǵa amerıkandyq kınoındýstrıanyń, shoý-bıznestiń jáne saıasattyń mańyzdy tulǵalary jınaldy, dep habarlaıdy infohub.kz saıty.
«Juldyzdy soǵystar» franshızasynyń jasaýshysy jáne onyń jubaıy Mellodı Hobson keshenniń jurtshylyqqa resmı ashylýy aldynda qonaqtardy qabyldady.
Qatysýshylar arasynda rejıserdiń eski seriktesteri baıqaldy. Olardyń qatarynda Stıven Spılberg, akterler Mark Hemıll, Harrıson Ford jáne Meıs Vındý rólin somdaǵan Semúel L. Djekson boldy. Djekson óz keıipkeriniń boılyq músininiń janynda sýretke tústi. Keshke sondaı-aq Heıden Krıstensen, Ahmed Best, Deıv Fılonı, Ketı Perrı, Kım Kardashán, Lúıs Hemılton, Opra Ýınfrı jáne fortepıanoda mýzykalyq nómirlerdi oryndaǵan ánshi Djon Batıst keldi. İs-sharaǵa Kalıfornıa gýbernatory Gevın Núsom jáne AQSh Ókilder palatasynyń eks-spıkeri Nensı Pelosı qatysty.
Suhbatynda Mark Hemıll murajaıdy Chıkago sıaqty basqa qalalarda ornalastyrý áreketteri sátsiz aıaqtalǵan soń, ony Los-Andjeleste salý múmkindigine qýanyshyn bildirdi.
Ekspozıshn-parkindegi aýdany 11 akr keshen 40 myń eksponattan turatyn koleksıany saqtaıtyn orynǵa aınalady. Olardyń ishinde «Juldyzdy soǵystardyń» túpnusqa rekvızıtteri, komıkster, keskindemeler jáne kınematografıalyq artefaktiler bar. Narratıvtik óner murajaıynyń barlyq kelýshilerge resmı ashylýy 22 qyrkúıekke josparlanǵan.