Los-Andjeleste NBC aqparat agenttiginiń tikushaǵy apatqa ushyrap, úsh adam qaza tapty. Áýe kemesi eki júk konteıneri men birneshe kólikke qulady, dep habarlaıdy infohub.kz saıty.
CBS telearnasynyń dereginshe, apattyń mán-jaıy ázirge belgisiz. Áýeden túsirilgen kadrlarda Los-Andjeles órt sóndirýshileriniń apattan keıin tutanǵan jáne janyndaǵy kólikterge taraǵan qatty órtti sóndirip jatqany kórindi.
Jergilikti bıliktiń málimetinshe, úsh adam qaza tapty, taǵy bir adam zardap shegip, aýrýhanaǵa jetkizildi. Onyń jaǵdaıy ázirge belgisiz.
NBC Los Angeles telearnasy keıinirek áýe kemesi ózine tıesili bolǵanyn málimdedi. Birneshe televızıalyq tikushaq avtobýs qatysqan jol-kólik oqıǵasyn jaryqtandyryp jatqan San-Fernando ańǵarynyń batys bóliginde bolǵan.
NBC News qaza tapqandardyń keminde bireýi, boljam boıynsha, apat kezinde jerde bolǵan jaıaý júrginshi bolǵany týraly aqparat aldy.