Belarýs Prezıdenti Aleksandr Lýkashenko «SHOS+» samıtinde uıymdy qazirgi BUU-ǵa aınaldyrmaýǵa shaqyrdy, dep habarlaıdy infohub.kz saıty.
Aleksandr Lýkashenko Eýrazıa keńistiginde túrli taqyryptar boıynsha konsensýs qalyptastyra otyryp, SHOS tolyqqandy jahandyq dıalogty qalpyna keltirýge berik negiz qalaıtynyn atap ótti. Ol «SHOS+» formatynyń aldynda ótken SHOS-qa múshe memleketter basshylary keńesiniń otyrysynda álemdegi mańyzdy is-sharalar Shanhaı yntymaqtastyq uıymynsyz ótpeýi kerek dep kóp aıtylǵanyna nazar aýdardy.
«Biz munyń bárin túsinemiz, bizde qandaı da bir "rýh" bar dep aıtamyz jáne t.b. Biraq bul az. Adamdar bizden kóppolárlyq baǵytta naqty áreketter kútedi. Ýaqyt ótip jatyr. Eger biz ýaqytty joǵaltsaq, onda biz Birikken Ulttar Uıymyna onyń qazirgi túrinde aınalýymyz múmkin», — dedi Aleksandr Lýkashenko.
Buǵan deıin Prezıdent Qasym-Jomart Toqaev Shanhaı yntymaqtastyq uıymyna múshe memleketter basshylary keńesiniń otyrysyna qatysqan bolatyn. Onyń ne aıtqanyn myna siltemeden bilýge bolady.