Belarýs Prezıdenti Aleksandr Lýkashenko Ýkraına halqyn Táýelsizdik kúniniń 35 jyldyǵymen quttyqtady, dep habarlaıdy infohub.kz saıty.
Belarýs kóshbasshysynyń baspasóz qyzmeti taratqan quttyqtaýda belarýs pen ýkraın halyqtarynyń tarıhı taǵdyrlary tyǵyz baılanysty ekeni atap ótilgen. Bizdiń halyqtardy ǵasyrlar boıy qalyptasqan dástúrler, ortaq jeńister men aýyr synaqtar týraly jady baılanystyrady.
Lýkashenko geosaıası tolqýlarǵa qaramastan, belarýs pen ýkraın halqynyń bolashaq urpaqtary máńgilik dostyq pen týystyq baılanystardy saqtaıtynyna, al Mınsk pen Kıev senim, qurmet jáne teńdik qaǵıdattarynda ózara tıimdi yntymaqtastyqty qalpyna keltiretinine senim bildirdi. Ol sondaı-aq qonaqjaı Belarýs jaqsy nıetpen kelgen árbir ýkraınǵa árqashan ashyq ekenin atap ótti.
Eske salaıyq, shilde aıynyń sońynda BAQ Ýkraına Prezıdenti Vladımır Zelenskıdiń keńsesi Lýkashenkoǵa qatysty qylmystyq is qozǵaýdy suraǵanyn habarlaǵan. Buǵan deıin Zelenskı Reseı Aleksandr Lýkashenkomen kelissózder júrgizip, Belarýsti soǵysqa tartqysy keletinin málimdegen. Onyń aıtýynsha, Reseı men Belarýs Belarýs aýmaǵynan Ýkraınaǵa nemese NATO elderiniń birine shabýyl daıyndap jatyr. Oǵan jaýap retinde Reseı SİM basshysy Sergeı Lavrov dál Kıev Belarýsti Reseı men Ýkraına arasyndaǵy qaqtyǵysqa tikeleı tartýǵa tyrysyp jatqanyn málimdedi.