Qazaqstandyq mıllıoner-bloger Madınahon Mamadalıeva, ıaǵnı Madlen, poıyzda chemodany urlanǵan soń Venesıadaǵy amfAR Gala Venezia gala-keshine saltanatty beınede shyqty, dep habarlaıdy infohub.kz saıty.
Birneshe kún buryn Madlen Venesıaǵa kelgen. Alaıda sapar qıyndyqsyz ótpedi. Ol áleýmettik jelide kóz jasymen brendtik aıaq kıim men qymbat sómkeler salynǵan chemodanynan aıyrylǵanyn aıtty. Shyǵyndy 70 myń dollar (shamamen 32 mln teńge) dep baǵalady.
Qyz bıznes-klassta poıyzben kele jatqan, onyń aıtýynsha, chemodany sol jerde urlanǵan.
«Chemodanda men úshin erekshe qundy zattar boldy. Mańyzdy syılyqtar, tarıhy men estelikteri bar, qaıta satyp alý múmkin emes dúnıeler. Múmkin, dál osy jaǵdaı barynsha aýyr tıgen shyǵar», — dep moıyndady ol.
Madlen álem juldyzdary jınalǵan is-sharaǵa barýǵa qol jetkizdi. amfAR Gala Venezia-ǵa ol ızýmrýd tústi saltanatty kóılekpen shyqty. Foto men vıdeony Instagram-ǵa jarıalady.
«Olar meniń qoltyraýyn bylǵary sómkelerimdi urlaı alady, biraq jeke tulǵamdy urlaı almaıdy. Barlyǵyn qaıtadan ıelenetin tulǵamdy! Pamela Andersonnyń tańyrqaǵan kózqarasyna nazar aýdaryńyzdar», — dedi Madlen jáne «ómir jalǵasady» dep qosty.