Qazaqstannyń Ǵylym jáne joǵary bilim mınıstrligi magıstratýrada oqýǵa memlekettik bilim granttaryn berý konkýrsynyń qorytyndylary qashan jarıalanatynyn habarlady, dep habarlaıdy infohub.kz saıty.
Vedomstvonyń baspasóz qyzmetiniń málimetinshe, 21 tamyzda 2026-2027 oqý jylyna arnalǵan magıstratýraǵa memlekettik bilim granttaryn berý jónindegi respýblıkalyq komısıanyń otyrysy ótti. Onyń quramyna mınıstrlik, múddeli memlekettik organdar, bilim salasyndaǵy kásipodaqtar, QR Ulttyq kásipkerler palatasy jáne qoǵamdyq uıymdardyń ókilderi kirdi. Otyrys barysynda túsken ótinimder qaralyp, bilim granttaryn bólý rásimi qoldanystaǵy erejelerge sáıkes, konkýrstyq irikteý negizinde júrgizildi.
Bıyl konkýrsqa qatysýǵa shamamen 23 myń ótinim tústi, bul ótken jylmen salystyrǵanda 3 myńǵa artyq. Bolashaq magıstranttar arasynda «Pedagogıkalyq ǵylymdar», «Aqparattyq-kommýnıkasıalyq tehnologıalar», sondaı-aq «Injenerlik, óńdeý jáne qurylys salalary» baǵyttary eń joǵary suranysqa ıe.
Konkýrs nátıjeleri 25 tamyzǵa deıin QR Ǵylym jáne joǵary bilim mınıstrligi men Ulttyq testileý ortalyǵynyń áleýmettik jelilerdegi resmı paraqshalarynda jarıalanady. Bolashaq magıstranttardy oqýǵa qabyldaý 28 tamyzǵa deıin júrgiziledi.