Halyq ártisi Maqpal Júnisova jolda kele jatyp oqys oqıǵaǵa tap bolǵanyn málimdedi, dep habarlaıdy infohub.kz.
Ánshiniń sózinshe, ol sińlisimen birge baǵyt alǵan sátte kóliginiń dóńgelegi kútpegen jerden jarylyp ketken. Jol jıeginde turǵan óner ıesine beıtanys jolaýshy birden kómekke kelip, dóńgelekti aýystyryp bergen. Maqpal Júnisova qıyn sátte qol ushyn sozǵan azamatqa áleýmettik jelidegi paraqshasy arqyly erekshe alǵysyn bildirdi.
«Sińlim ekeýmiz kele jatyr edik, jolda kóliktiń dóńgelegi jaryldy. Sultan degen Atyraýdyń jigiti dóńgelekti salyp beremin dedi. Jaqsy adamdar bar ǵoı, jasy uzaq bolsyn», – dep jazdy ánshi.
Jeli qoldanýshylary kóliktiń jarylǵan dóńgelegin kórip, jol apatynan aman qalǵan ártiske jyly lebizderin bildirýde. Oqyrmandar «Búıirden jaman kesip alǵan ekensizder, Qudaı saqtapty», «Adamnyń nıetine qaraı jaqsylar kezdesedi» dep jarysa jazyp, ánshige amandyq tiledi.