Fransıa Prezıdenti Emmanýel Makronnyń aıtýynsha, eldegi jappaı orman órtterine baılanysty jaǵdaı Ekinshi dúnıejúzilik soǵystan bergi eń aýyr kezeń bolyp otyr. Órtpen myńdaǵan adam kúresýde, dep habarlaıdy infohub.kz.
«Biz buryn-sońdy bolmaǵan órtke tap boldyq. Qazirgi jaǵdaı – tirkelgenderdiń ishindegi eń aýyry, Ekinshi dúnıejúzilik soǵystan bergi eń aýyr kezeń», – dedi Makron Bordo qalasynda. Ol fransýzdardy birlikke shaqyryp, aldaǵy aptalardyń qıyn bolatynyn eskertti. Sondaı-aq Makron klımattyń ózgerýin eskere otyryp, ormandardy qalpyna keltirý qajettigin aıtty.
Qazirgi ýaqytta órt sóndirýge 2,7 myń órt sóndirýshi, 1,5 myń áskerı qyzmetshi, 1,4 myń ishki qaýipsizdik qyzmetkeri jáne 18 áýe kemesi jumyldyrylǵan. 88 órt sóndirýshi zardap shekti, halyq arasynda qaza tapqandar joq. 240 úı qıraǵan. Órt sharpyǵan aýmaqtyń kólemi 115 myń gektarǵa jetti.