Reseılik ánshi MakSım (Marına Abrosımova) otbasylyq qaıǵyly jaǵdaıǵa baılanysty aýrýhanaǵa jedel jatqyzylyp, Pavlodarda 25 shildede Qala kúni merekesi aıasynda josparlanǵan konsertin ótkizbeıtin boldy. Bul týraly infohub.kz saıty habarlaıdy.
Ánshiniń ákesi qaıtys bolǵannan keıin densaýlyǵy kúrt nasharlap, konserttiń boldyrylmaýyna sebep boldy. Áleýmettik jelilerde ánshi: «Qazir men óte aýyr kezeńdi bastan keshirip jatyrmyn. Qatty stress saldarynan densaýlym kúrt nasharlap, aýrýhanaǵa jatqyzýdy qajet etti, qazir em alyp jatyrmyn. Ókinishke qaraı, dárigerler jaǵdaıym tolyq turaqtanǵansha ushýǵa jáne kez kelgen sharalarǵa qatysýǵa tyıym saldy. Sondyqtan sizdermen birge bolǵym kelse de, qazir konsertti ótkizbeýge májbúrmin», — dep jazdy. Ánshi jankúıerlerine qoldaý kórsetkeni, túsinistik tanytyp, jaǵdaıyn syılaǵany úshin alǵys aıtty.