17 jastaǵy qazaqstandyq dısk laqtyrýshy Maksım Sajnev 61,37 metr nátıjemen AQSH-tyń Iýdjın qalasynda (Oregon shtaty) ótip jatqan jeńil atletıkadan jastar arasyndaǵy álem chempıonatynyń fınalyna shyqty, dep habarlaıdy infohub.kz.
Bul nátıje sportshy úshin jeke rekord boldy: buǵan deıin onyń úzdik kórsetkishi 60,45 metr edi. İrikteýde kórsetilgen nátıje Qazaqstannyń jastar arasyndaǵy rekordy bolyp tabylady.
İrikteý jarystarynda Sajnevten bes qatysýshy ozyp ketti. Úzdik nátıjeni aýstrıalyq Stefan Gaısbaýer (63,11 metr) kórsetti, ekinshi oryndy ıtalıalyq Franchesko d'Anjelo (62,63) ıelendi, úshinshi — Iamaıkadan kelgen Djozef Rıchard Salmon (62,10). Sondaı-aq qazaqstandyqtan joǵary polák Iakýb Rodzák (61,58) pen ýkraın Iaroslav Lıstopad (61,50) ornalasty.
Fınaldyq jarystar 8-9 tamyzǵa qaraǵan túni ótedi.
Sajnev osy chempıonatta fınalǵa shyqqan Qazaqstannyń ekinshi ókili boldy. Buǵan deıin syryqpen sekirýshi Anna Cherkashına 4,10 metr nátıjemen fınalda 11-oryn alǵan bolatyn. Bul pánde altyndy cheh Nıkol Krýtılova (4,45), kúmisti ýkraın Olga Belchenko (4,40), qolany amerıkandyq Kaılı Neıra (4,35) jeńip aldy.
Ótken túni chempıonatta taǵy úsh qazaqstandyq óner kórsetti. Margarıta Storojenko 23.40,75 nátıjemen 5 shaqyrymǵa júgirýde 25-oryn aldy, chempıonka ıtalıalyq Serena dı Fabıodan (20.57,57 — chempıonat rekordy) úsh mınýttaı qalyp qoıdy. Erler arasynda sol qashyqtyqta 18 jastaǵy Egor Strýkov 36-orynmen (21.39,40), al 17 jastaǵy Sherhan Egizbaı 38-orynmen (27.31,77) márege jetti. Jeńisti aýstralıalyq Isaak Bıkroft 20 jasqa deıingiler arasyndaǵy álem rekordymen (18.40,37) baǵyndyrdy.
AQSH-taǵy jeńil atletıkadan jastar arasyndaǵy álem chempıonaty búgin túnde aıaqtalady. Qazaqstan quramasy normatıvterdi oryndaǵan alty er jáne bes áıel sportshymen usynylǵan. Bul — Polshanyń Bydgosh qalasynda ótken 2008 jylǵy jastar arasyndaǵy álem chempıonatynan keıingi eń kóp quram (12 sportshy). Eki jyl buryn Perý astanasy Lımada bizdiń sportshylar sany beseý edi, al 2022 jyly Kolýmbıanyń Kalı qalasynda ótken álem chempıonatynda tórteý bolǵan. Qazaqstan 1994 jyldan beri jastar arasyndaǵy álem chempıonatyna jeke komandamen qatysyp, qatarynan 16 týrnırde óner kórsetti, biraq áli kúnge deıin júldeli orynǵa ilikken emes.