Malta men kórshiles Gozo aralynda elektrmen jabdyqtaýda iri aqaý oryn alyp, 30 eldi mekenniń turǵyndary jaryqsyz qaldy, dep habarlaıdy infohub.kz saıty.
Bild basylymynyń málimetinshe, maltalyqtar bul máselege keshe kúndiz tap bolǵan. Jergilikti Enemalta operatorynyń dereginshe, suıytylǵan tabıǵı gaz qondyrǵysyndaǵy jabdyqtyń kenetten toqtaýynan turǵyndar elektr qýatynsyz qaldy. Búkil energojúıeniń turaqtylyǵyn saqtaý úshin birqatar aýdanda jaryqty ýaqytsha óshirýge týra keldi.
Elektrmen jabdyqtaýdaǵy úzilister týraly turǵyndar men týrıser jappaı habarlaǵan. Olar úıler men qonaqúılerde kondısıonerlerdiń óshkenin, jaǵajaıdaǵy barlarda teledıdarlardyń jumysyn toqtatqanyn shaǵymdandy.
Kóp uzamaı jabdyqtaýdy qalpyna keltirý úshin rezervtik qýat kózderi iske qosyldy. Keıbir eldi mekenderde elektr shamamen bir saǵattan keıin qaıta berildi. Enemalta energıa óndiretin nysandaǵy aqaýdyń sebebin áli tergep jatyr.
Belgili bolǵandaı, bul Malta úshin sońǵy aptalardaǵy alǵashqy aýyr blekaýt emes. Tamyz aıynyń sońynda Gozo araly birneshe joǵary vóltty jelidegi aqaýlarǵa baılanysty 26 saǵat elektrsiz qalǵan. Bılik zardap shekkenderge ótemaqy tóleýge ýáde berdi.
Jalpy, bıyl jazda araldarda elektr úzilisteri ádettegiden jıi boldy. Týrısik maýsymda tutynýdyń ósýi aıasynda Maltada energojúıeniń júktemege tótep bere alatyny áldeqashan talqylanyp júr.