Jyl basynan beri qazaqstandyq medısına uıymdary Mindetti áleýmettik medısınalyq saqtandyrý qorynan shamamen 1,8 trln teńge aldy. Qordyń naqtylaýynsha, 23 qyrkúıektegi jaǵdaı boıynsha tegin medısınalyq kómektiń kepildendirilgen kólemi (TMKKK) jáne mindetti áleýmettik medısınalyq saqtandyrý (MÁMS) aıasynda medısınalyq kómek jetkizýshilerge 1,78 trln teńge aýdaryldy, dep habarlaıdy infohub.kz saıty.
Bul somanyń 1 trln teńgeden astamy kórsetilgen qyzmetterdi tóleýge, taǵy 779,7 mlrd teńgesi medısınalyq uıymdardy avanstaýǵa jumsaldy. Osylaısha, jyldyq qarjylandyrý jospary shamamen 60%-ǵa oryndaldy.
«Tóleýge jalpy somasy 1,391 trln teńgege aktiler qabyldandy. Aýdarylǵan avansty eskergende, jyldyq qarjylandyrý josparynyń oryndalýy shamamen 60%-dy quraıdy», — delingen Qor habarlamasynda.
MÁMS-te ashyq moıyndaıdy: kezeńderdi jabý merzimderiniń jyljýy — jyl saıyn qaıtalanatyn másele. Salystyrý úshin: byltyr 22 qyrkúıekte jyldyq jospar 59,7%-ǵa, al 2024 jyly 60,7%-ǵa oryndalǵan.
Jyl boıy esep aıyrysý merzimderine normatıvtik aktilerdiń ózgerýi, derekterdiń berilýi jáne Densaýlyq saqtaý mınıstrliginiń aqparattyq júıeleriniń tehnıkalyq daıyndyǵy áser etti.
«Medısınalyq uıymdardyń úzdiksiz qarjylandyrylýyn saqtaý úshin Qor qosymsha avanstaý, aktilerdi ishinara jabý jáne jetispeıtin derekterdi qolmen qaıta júkteý sharalaryn qoldandy», — deıdi MÁMS-te.
Mindetti áleýmettik medısınalyq saqtandyrý qory máseleniń júıelik sheshimi retinde Qalqan jańa platformasyna kóshýdi sanaıdy. Ol aýrýhanalarǵa rastalǵan qyzmetter úshin aqshany uzaq kelisimderdi kútpeı-aq bólip aýdarýǵa múmkindik beredi. Jańa platforma arqyly 6,2 mlrd teńgege synaq tólemderi jasaldy.
Buǵan deıin «Kýrsıv» MÁMS Qalqan pılotyn 16 medısınalyq uıymǵa deıin keńeıtkenin jazǵan bolatyn.