Qazaqstan Respýblıkasy Qorǵanys mınıstrligi Mańǵystaý oblysynda Kaspı teńizi jaǵalaýynda ótken Áskerı-teńiz kúshteriniń oqý-jattyǵýy kezinde qaza tapqan áskerı qyzmetshilerdiń tizimin jarıalady. Tizimge deneleri tabylyp, qazasy resmı rastalǵan 11 matros pen bir aǵa leıtenant endi, dep habarlaıdy infohub.kz saıty.
«Qazaqstan Respýblıkasy Qorǵanys mınıstrligi men Qarýly kúshteriniń jeke quramy Mańǵystaý oblysyndaǵy oqý-jattyǵý kezinde qaza tapqan áskerı qyzmetshilerdiń týǵan-týystaryna qaıǵyryp kóńil aıtady», — delingen qorǵanys vedomstvosynyń habarlamasynda.
Lada.kz basylymy Mańǵystaý oblysyndaǵy shtab jumysy ornynda jarıalanǵan qaza tapqandardyń tizimin turǵylyqty jerlerimen birge keltirdi.
Madıhan Azamat Bolatbekuly, 10.06.2007 jyly týǵan, Mańǵystaý oblysynyń týmasy, Jańaózende turǵan.
Tólegen Aqylbek Qabenuly, 11.02.2007 jyly týǵan, Mańǵystaý oblysynyń týmasy, Jarmysh aýylynda turǵan.
Berdıhanov Meırambek Ermýhanuly, 21.03.2006 jyly týǵan, Mańǵystaý oblysynyń týmasy, Jańaózende turǵan.
Aıapbergen Serjan Talǵatuly, 18.02.2006 jyly týǵan, Mańǵystaý oblysynyń týmasy, Aqtaýda turǵan.
Muhtaruly Oljas, 09.01.2003 jyly týǵan, Túrkistan oblysynyń týmasy.
Temırgalıev Jenıs Tileýsheevıch, 08.05.2005 jyly týǵan, Batys Qazaqstan oblysy, Bórli aýdanynyń týmasy.
Kobenov Almas Jýsıpýly, 23.01.2006 jyly týǵan, Ózbekstan Respýblıkasynyń týmasy, Baıandy-3 aýylynda turǵan.
Ómirzaq Ómirbek Ómirbolatuly, 23.04.2007 jyly týǵan, Batys Qazaqstan oblysy, Báıterek aýdanynyń týmasy.
Jańabaı Aset Samatuly, 19.09.2006 jyly týǵan, Mańǵystaý oblysy, Mańǵystaý aýdany, Shetpe aýylynyń týmasy.
Begeı Dastan Nýrboluly, 03.09.2007 jyly týǵan, Mańǵystaý oblysy, Jańaózen.
Dıhanbaev Oljas Tajıbaıuly, 14.12.2005 jyly týǵan, Mańǵystaý oblysy, Jańaózen.
Gılaj Aqjaıyq Bolatbetuly, 15.09.2006 jyly týǵan, Batys Qazaqstan oblysy, Oral.
Apat 24 qyrkúıekte Mańǵystaý oblysynda Qazaqstan Respýblıkasy Qarýly kúshteriniń Áskerı-teńiz kúshteriniń oqý-jattyǵýy kezinde boldy. Kaspı teńizi jaǵalaýynda oqý-jaýyngerlik tapsyrmany oryndaý barysynda aýa raıynyń kúrt nasharlaýy men jeldiń kúsheıýi saldarynan áskerı qyzmetshilerdi teńizge aǵyzyp áketti.
Alǵashynda teńizge 19 áskerı qyzmetshi aǵyzylyp ketkeni habarlandy. Sol kezde 9 áskerı qyzmetshiniń qaza tapqany tirkeldi. Bas prokýratýra Aqtaý garnızonynda qylmystyq is qozǵalyp, tergelip jatqanyn málimdedi.
Áskerı qyzmetshiler qaza tapqannan keıin úkimettik komısıa qurylyp, tótenshe oqıǵa ornyna Premer-mınıstrdiń orynbasary Qanat Bozymbaev jiberildi. Qazaqstan Prezıdenti Qasym-Jomart Toqaev Mańǵystaý oblysynda áskerı qyzmetshilerdiń qaza tabýyna baılanysty kóńil aıtyp, apatty tergeý jóninde tapsyrmalar berdi.
Aqtaýda Qala kúnine oraı merekelik is-sharalar toqtatyldy. Qasym-Jomart Toqaev 25 qyrkúıekti Qazaqstanda jalpyulttyq aza tutý kúni dep jarıalady.
24 qyrkúıek keshinde Premer-mınıstrdiń orynbasary Qanat Bozymbaevtyń basshylyǵymen komısıa Mańǵystaý oblysyna keldi. Kaspı teńizindegi oqý-jattyǵý kezinde qaza tapqandardyń týǵan-týystary Aqtaýdaǵy máıithanaǵa denelerdi taný úshin keldi.
24 qyrkúıek keshinde naqtylanǵan derekter belgili boldy. Teńizge 17 adam aǵyzylyp ketti, olardyń 12-si qaza tapty, úsheýin qutqarý múmkin boldy. Qalǵan eki áskerı qyzmetshini izdeý jalǵasýda.